Նպատակը՝ առցանց ուսուցման կազմակերպում 2-րդ դասարանում
Խնդիրները՝
Ստեղծագործական մտածողության զարգացում
Առցանց աշխատելու հմտության, կարողության զարգացում
Մեդիահմտություների կիրառում և զարգացում
Տևողությունը՝ հուվարի 11-15
Ուսումնական գործունեության ոլորտները
Մաթեմատիկա
Ընտանիքիդ անդամների հետ լուծիր դեկտեմբերյան մաթեմատիկական ֆլեշմոբի խնդիրները:
Մայրենի
Մասնակցիր հայերենի ֆլեշմոբի առաջին փուլին, կատարիր առաջադրանքները և ուղարկիր իմ էլեկտրոնային հասցեին:
Առաջին փուլի խնդիրներ.
- Էլեկտրոնային գրքի, աուդիոֆիլմի, ռադիոլուրի, էլեկտրոնային բացիկի տեսքով ներկայացրու ամանորի, Սուրբ Ծննդյան տոնը ձեր ընտանիքում: Դա կարող է ներառել նաև ամանորյա ինքնատիպ կենացներ, բարեմաղթանքներ, ընտանեկան, արձակուրդային ուրախ պատմություն:
- Պատրաստիր բարեմաղթանք քո տատիկի, պապիկի կամ քեզ հասած բարբառով: Նյութը կարող ես ներկայացնել ռադիոնյութի, էլեկտրոնային բացիկի տեսքով:
- Ամբողջացրու գրաբարյան ասույթները տրված բառերով։ Գրավոր քննարկիր դրանց բովանդակությունը՝
ա) ինչու են այդպես ասում, երբ կարելի է մեջբերել այդ ասույթը.
բ) ո՞ր ասույթի բովանդակության հետ համաձայն չես, ինչո՞ւ։
– Լավ է կոյր …, քան կոյր …:
մտօք, աչօք
– Լաւ է … աղքատ եւ իմաստուն, քան … ծեր եւ անմիտ:
մանուկ, զթագաւոր
Մահ … մահ է, մահ … ՝ անմահությ: – իմացեալ, ոչ իմացեալ: - Ստեղծիր ամանորյա ֆոտոպատում՝ 5-7 նախադասություն-մեկնաբանությամբ:
- Ներկայացրու տոնական օրերին լսածդ ամենաինքնատիպ մաղթանքը։
Ինքդ հրապարակիր մաղթանքներ` «Մաղթանքի ծառի» տեսքով (առաջին ճյուղը՝ աստված տա, երկրորդը՝ մարդը կամենա, երրորդը՝ առաջին երկուսի հետևանքը լինի. օր.՝ «Թող Աստված բարենպաստ եղանակ տա, մարդիկ զբաղվեն հողագործությամբ, և բարելավվի մեր երկրի տնտեսությունը»)։ - Տոնական սեղանի շուրջ ծավալվող զրույցներ տեսագրի՛ր կամ ձայնագրի՛ր. տարբեր մարդկանց խոսքի բառային, քերականական, ոճական մեղանչումները արձանագրիր և դրանք շտկիր։ Մեկ համառոտ նախադասությամբ արդարացրու այդ սխալները։
- Գրաբար կարդա և ձայնագրիր կամ տեսագրիր Սուրբ Ծննդյան ավետարանական մի պատումկամ մի շարական։ Հունվարի 5-6-ին նյութդ հրապարակիր սոցիալական որևէ ցանցում։
- Տրված են բառաշարքեր` հնդեվրոպական նախալեզվի, սանսկրիտի (հին հնդկերեն), հունարենի, հին սլավոներենի համարժեքներով: Աղյուսակը լրացրու հայերեն համարժեքներով՝ ընտրելով համապատասխան բառը տրվածներից՝ լույս, մեջ, ակն, աթոռ, երթալ, մեծ, ձեռն, միս, առաստաղ, զանգված, ալիք, հեծնել, գիշեր, աղ, շող։ Պատմի՛ր՝
– ինչպես լուծեցիր այս խնդիրը.
– ինչ խոհ առաջացրեց այս խնդիրը։
| Հնխ. | Սանս. | Հուն. | Հսլ. | Հայերեն | |
| plios | – | polio՛s | |||
| oknos | a՛kši | o՛sse | oko | ||
| sāld | – | ha՛ls | solь | ||
| stel | stha՛la | stellō | stelja | ||
| weqero | – | he՛speros | večerū | ||
| mēmso | māsa՛ | – | meso | ||
| erth | – | e՛rchomai | – | ||
| louk՛o | luči | leuko՛s | lučь | ||
| sed | sādin | he՛zomai | sed-lo | ||
| g՛her | harana | cheir | – | ||
| me՛dyo | ma՛dhya | me՛ssos | mežda | ||
Աղբյուրը՝ Խոսքի մշակույթ
Ես և շրջակա աշխարհը + տեխնոլոգիա
Ծնողներիդ հետ տարբեր նյութերից պատրաստիր կերաման (պլաստիկ շիշ, դատարկ տուփ և այլն) թռչունների համար: Կերամանը տեղատրիր համապատասխան վայրում և դիտարկիր թռչուններին, չմոռանաս լուսանկարել և պատումիդ հետ միասին ուղարկել իմ էլեկտրոնային հասցեին:
Նախագծի ելք՝
Նախագծի արդյունքում ստեղծված աշխատանքները ամբողջացվում և հրապարակվում են դասարանական բլոգում և ենթակայքում:
Արմինե Մնացականյանի բլոգ 